الموضوعات الأكثر
يعيش القايد الأعلى وجيشٍ تحتمي بحماه
وكل العسكر الي تلبس البدلة فدائية
ولد عبدالعزيز اللي يشرف ماقفه بخطاه
على وضح النقا الأفعال والحكمة سعودية
مجير المستجير وصادق في وعده لمن جاه
على الظالم يمينه مرهفة ما فيه ماوية
ليا ضاقت على غيره تفرج ضيقها يمناه
بعدله مستوي فيه الفقارى والغناوية
حكيم بحكمته ساد الأمن والعدل في مجراه
بقوات بناها للوطن في ظرف عصرية
نفاخر به وفي فعله خليجي ما لحقت أقصاه
بحره اليعربي هايج تسونامي خليجية
بحر سلمان لامنه بدا بالموج شال عداه
على سيف البحر تلقا جثث لاعداه مرمية
تميزه الفعول مع العرب وأعداه ما تنساه
تبادلها يدينه من جنوب إلى شمالية
حليم والمكارم دايم هي غايته ومناه
لكنه للعوج بيعدله مية على مية
على عبدالعزيز مطبق نهجه على مسعاه
على الشرع القويم يقودها والأرض محمية
سليل المجد راع المجد والله يحفظه باسماه
نفاخر به على كل الدول مليون مثنية
بنى جيشٍ قوي وعززه بالأمن يومٍ جاه
وتوج بالحرس جيشٍ مهماته سواسية
حماية للوطن من غاشمٍ يمشي على عمياه
تضيعه الهقاوي والوطن دونه شقردية
على كف القدر تمشي جنودٍ مؤمنه بالله
على الطاغي لها سلطة من الخالق سماوية
على الباغي تدور الدايرة واللي فعل يلقاه
من يدين الرجال اللي مخالبها حديدية
- مبروك النامي