ياعشيري في عيونك لي حكايه

وفي عيوني لك هنا اصدق دليل

بكتبك في دفتري اجمل روايه

ومستحيل انساك والله مستحيل

ولو اقدم لك غلاتي مع وفايه

مااوفي عشرتك صبحٍ وليل

هالغلا في داخلي ماله نهايه

والمحبه شامخه مثل النخيل

والوفاء في خوتك يسكن سمايه

ولو اعّبر بالغلا وصفي قليل

وش اسولف وانت ادرى في خفايه

وانك الغالي وبأحساسك اصيل

يكفي انك بالوفاء قلبك معايه

ولايهمك من نقل قولٍ وقيل

والمشاعر داخلك تسمع ندايه

وصفها باحساسنا شي جميل

ياعشيري ماتبي مني وصايه

قلبي الصادق لجل شوفك يميل

ياعشيري خوتك اجمل حكايه

وفي حياتي هالغلا لجلك دليل

- فهيد البقعاوي