الموضوعات الأكثر
إلىّ على الطيب مقادير وحقوق
بالمال ولا بالجهد والسباعه
ما دامنا نمشي على الأرض من فوق
ومن مات مات ولاهب راعي شفاعه
والبارحه يا زيد سويت طاروق
ونويت أبين حستي للجماعه
نظرات عين بدون إشارات ونطوق
وسلمت سيفي عقب ذيك الشجاعه
كريم يا برقٍ على وجه مخلوق
البرق يكشف وهو دايم شعاعه
برق الحيا والموت والعز والذوق
الجسم بأسبابه قليل المناعه
ان شفت نوضه صار في الجسم ساروق
وحبال صوتي صار فيها قطاعه
إللي ملكني بالهوى ملك فاروق
حكمه زرع في قلوب مصر المراعه
ولولا يجي دونه صواديف ودروق
ليبعد ظلام الليل كهرب شماعه
عقل وجمال وستر والمشي برفوق
ما هيب لا عجبه ولاهب سعاعه
تأخذ من الأدمي تواصيف وعنوق
و دقات أبو منشار حليت ذراعه
بنات كل البدو والريف والسوق
عندك خدم وانته طبيب الاشاعه
وان كان قلبك مثل قلبي ومحروق
ونظرك يمي صدق ماهوب دلاعه
اني فلاعاشق من الناس معشوق
ولا تسمع اذني غير اذاعتك أذاعه
لو يعترض من دونكم سحب وبروق
مالي نظر في شوفته وستماعه
لو جمعوا يا زين كلبو روق
وبرقا وخنذف مع قبائل قضاعه
حب العرب برأ وحبك بصندوق
وسط الحشا في القلب داخل اضلاعه
ألا يكون البيت يبنا على البوق
لاسحب مناسيبه واطوى شراعه
لو كان قلبي يا بسن منه معلوق
اليا قنعت انا قوي القناعه
لقفي سوات اللي من السجن مطلوق
والقأ مع العربان غيرك قلاعه
ارتاح واجعل دونك الباب مغلوق
وكم غزوةً منها السلامه طماعه
- علي بن جهز الذيابي