|
| |
ذكرى الطفولة
|
كلي عنا وجروح وآلام وأحزان |
كلي هواجيس وغثا بال ولهان |
شفقٍ شفوقٍ شافقٍ من يلومه |
اللي فقد شوف الأهل والأمومه |
كلي مواجع من تصاريف الأزمان |
يوم ادبرت ما ساعدتني عزومه |
ذكرى قديمه ما حياتٍ رسومه |
كلي وله لمشاهدة ذيك الأوطان |
اللي عليها اشتاق في كل قومه |
مشتاق له لوهي صحاري وبران |
حيث الطفولة عشتها في كمومه |
لا من ذكرته غرق الدمع الأجفان |
له في صميم القلب موطن ومسكان |
وله في عيوني شوق محدٍ يرومه |
لا حل طاريه وذكره على اللسان |
دارٍ بها ميلاد شاعر وفنان |
فيها القصايد ترتشف من غيومه |
أبعدت عنها واحسب البعد برهان |
اثره يشقي حالت اللي يهومه |
لا جيت اسولف قصته لقرب انسان |
ضاقت بي الدنيا وغابت نجومه |
من الطفولة ما نطقته بديوان |
ولا جبت سيرتها وخافي علومه |
كتمتها في داخل القلب كتمان |
وخليتها لهل المعاني اخصومه |
حامد بن طرقي الذرعي
|
|
|
| |
|
