|
| |
بحور الحب
|
الثواني ثقيله والدقايق اسبوع |
والليالي طويله كن ما به صباح |
اسهر الليل اهوجس غارقٍ بالدموع |
واتذكر حبيبٍ غاب عني وراح |
أتأمل خياله وازهمه با الرجوع |
جيت اباطير يمه وانكسر لي جناح |
صعب وقت الموادع للمولع يروع |
يوجه القلب والمبلي يزيده جراح |
انطلق من عروقه واصطفق بالضلوع |
قلب ودع حبيبه وانتفض ثم طاح |
ارتعد يوم قفى والمفارق يلوع |
كن وسطه حريق وكن نبضه صياح |
المحبين من نظره يجيهم خضوع |
نظره العين تسحر كن فيها رماح |
من غرق في بحور الحب صعب الطلوع |
ينجذب بين موج وبين عصف الرياح |
لا تمتع بشوف ولا حصل له سماح |
للمحبين طبع وللأوادم طبوع |
وللولايف تفاهم بالغلا وارتياح |
علي الدويسان
|
|
|
| |
|
