الغلا والشوق يدفعني على الشرقية

بين تيار الغرام وبين شيٍ ثاني

امتثل لي ما يرد القلب عن طاريّه

كل ما ذعذع نسيم الورد والريحاني

مثل ما يضرم خلف هذال للبريّة

والله اني مضرمٍ للشوق من وجداني

عاشقٍ ما يلبس ثياب الغلا عاريّة

ما يعشق الا عقود اللول والمرجاني

الغصون الخضر حيّة والمشاعر حيّة

غرب كورنيش الخبر شرق عن الظهراني

اقلبت واستغفر الله كنّها حوريّة

والشعر مثل الذهب يلعب على الامتاني

ان تثنّت كنّها مامورةٍ منهيّة

وان تمايل عودها يا الله لا تبلاني

جيدها فتان والفتنة تجيب السيّة

والبروق تلوح بين الخوخ والرماني

قلت وش هالغنج قالت لي كذا عفويّة

بنت مملوحة جميلة والجمال اطغاني

يضمحل الورد كود الوردة المحميّة

لا تطلقها هبوب الريح حرك عودها الرياني

عن هجير الشمس احصل فيه ظل وفيّة

آه يا لبيه يا زرعي ويا بستاني

- سلطان الهاجري