الموضوعات الأكثر
أنا والله إني طبت من لوعة الأيام
ونسيت البروق اللي عيوني تخايلها
تركت الغرام وجزت من طردي الأوهام
ونسيت البيوت اللي بها العام قايلها
وجفيت الورق وشوي واكسر الأقلام
لو إني سلمت ولا رجعت لرسايلها
تذكرت والذكرى تحدك على الأحلام
والاحلام حيلة روح واقرب وسايلها
أسلي بها الخاطر واسير بها الأقدام
واداوي بها كبدٍ تزايد غلايلها
على اللوم ما تصبر ولو ينصح اللوام
ورى ما يشوف لعدلها قبل مايلها
على كيفه العاذل وأنا ماشي قدام
أدور عليها ما شقيت ببدايلها
غلاها على صدري لو انه يحط وسام
لبسته وقلت ان العمايل عمايلها
خذتني على غرة وساقت علي هيام
وانا سقت لي قاف لعب مع جدايلها
لو إن الأماني صدق غنيت يا سلام
ونسبت الوفا والجود لاطرف شمايلها
- صالح السبيل