عمق

عندي معاني الشعر تلمس وتنشاف

إن ما جرحك الشعر ما هو بكافي

وإن ما لمس في القلب احساس وشغاف

عدّك كتبته فوق رمل السوافي

* *

حزن وزفاف

مر في ساعتي وقت ونزيف

ومر في خاطري حزن وزفاف

آه وينك أنا مثلك كفيف

وليه قمراك تطلع ما تشاف

* *

ولع

لو ما تحب العين ما ضمت دموع

يا عاذلي بالله جز عن عتبها

أربع ليالي كلها سهد وولوع

استغفر الله ما تلاقي هدبها

* *

صدة مُحب

تذكرتك وأبي النسيان ألا يا خل ساعدني

أنا مالي ورى الذكرى إلى مات الأمل خيرة

أنا ودي على الفرقا حبيبي لو تعاهدني

وإلى شفتك تصد ولاتجيب لما مضى سيرة

- الأمير بدر بن عبدالمحسن