|
| |
ذكرى الهجران
|
يا الحبيب الذي قد لي سنين افقده |
حسبك الله ترى الهجران والظلم جور |
الجفا له سبب والا انت مستقصده |
رد لا تفتكر تجرح علي الشعور |
لا تفكرني اطلب حبك استنجده |
انت لو مات حبك وسط قلبي قبور |
حبنا همي اعرف مين حل عقده |
منهو اللي سعى ما بيننا بالنفور |
العتب كيف يكذب لك ومتأكده |
من كلامه وهو نمام واشي فجور |
ما تعرفين اصدق وقتي واسعده |
يوم اشوفك بجنبي يعتريني غرور |
وما تعرفين ليل الناس ما ارقده |
ان غفيت الحقتني صورتك بالظهور |
وما تعرفين بيت الشعر يوم انشده |
يختلف بحر شعرك عن جميع البحور |
انتي اجمل كتاب اقراه واردده |
وارجع اتصفحه واحصلك في السجور |
الجمال بعيونك ما اقدر احدده |
منهو اللي على وصف المحبه جسور |
دايما في بهاك ودوم متجدده |
زهرة السوسن ازعلتي جميع الزهور |
والبرد ضم سكر وسط ماي طهور |
هب نسناس حبك وارتكى مسنده |
وقبل هب النسايم هب جسمك عطور |
القمر لا حضرتي غاب عن موعده |
خايف في وجودك ما يجي له حضور |
طاحت الشمس وسط الليل متجمده |
ارسمت وجه حوريه على شكل نور |
الجمال متناثر ما قدر اعدده |
لو بغيت احسبه يبغالي احسب شهور |
تدري العابد اللي بات في مسجده |
يطلب الله في الجنه وفي بنت حور |
لو نظر صورتك او لمست ايدك يده |
يحسبك دعوته ويقبل ايده شكور |
آه لو سهم وصلك للجفا اسدده |
لا نثر حقود ناس بايته ف الصدور |
سعد غازي أبو دية /محافظة المجاردة
|
|
|
| |
|
