|
| |
أنت حلال العقود
|
وسمو ولي العهد يشرف اليوم ميدان الفروسية ويسلّم كأس سموه للفائزين فيه وكل من يشارك في سباق اليوم فائز لأنه تحت رعاية صاحب السمو الملكي الأمير سلطان بن عبدالعزيز.. سلطان القلوب ووجه الخير.
في هذه المناسبة يرصد الشاعر فرحان المطرفي مشاعر ملاك الخيل وعشاقها تجاه الرعاية الكريمة فيقول:
بسم كل اهل الفروسية وملاك الاصايل |
مرحبا بالليث ابو خالد ولد صقر الجزيره |
نحتفل بك وانت ياالشامخ وحمال الثقايل |
ياسند صقر العروبة بالمهات الكبيره |
ياالكريم ابن الشجاع اللي يطوع كل عايل |
شاهدٍ لك مجد ابوك ومجد يمناك الشطيره |
ياكريم من إكرام ما فعايلهم سهايل |
مجدكم يشهد له التاريخ وفعولٍ شهيره |
ياسلاطين البلاد اللي هقاويهم هوايل |
يا حماة الدين والاسلام في عقل وبصيره |
رافعين الراية الخضراء على روس الطوايل |
في ذرا الله ثم ذراكم آمنين بكل ديره |
نرفع ايدينا لرب الكون علام الحصايل |
يحفظ اللي حاكمٍ بالشعب في بر وبريره |
والله اني لو كتبت الشعر في مدحك دلايل |
واضحات فيك والميزه عن الميزه كثيره |
ساطيٍ ليّن قوي الباس محمود الخصايل |
وافيٍ صيروم صنديد وحلال العسيره |
يعجز الشاعر عن التوصيف يانزه الدخايل |
فيك حلم وفيك طيب وفيك خير وفيك خيره |
يا سنام المجد يا ريف الصحاري والخمايل |
فيض جودك سيدي جمٍ مواريده غزيره |
غيث همالٍ ليا ركب على جرد السمايل |
لا هما نوّه على ارضٍ ممحله يزهر نشيره |
وانت حلال العقود اللي على غيرك عضايل |
وانت يا فرز الوغى فعلك بعدوانك جريره |
وانت هداتك على العليا يجيبن الاوايل |
وانت يا فرز الوغى فعلك على خصمك جهيره |
وانت مثل الريف للممحل وظلٍ بالقوايل |
يا زمام المجد كله من كبيره لاكبيره |
من بحر جودك يفيض اليوم للقب السلايل |
والفخر للي ينال الكاس واسمك يستديره |
فرحان ضبعان المطرفي
|
|
|
| |
|
