|
| |
قلبي يحبك
|
حرام يا اغلى البشر ما تفعله فيني |
انا ترى ما استحق الهجر والصده |
اهديتك الحب واسكنتك نظر عيني |
وفتحت قلبي معك وانباح لك سده |
وخليتك الواحد اللي في شراييني |
يامر وينهى على ما عمري ارده |
ابيع عمري لاجل ترضى وترضيني |
لا اقبلت لي مبتسم وصل الفرح حده |
كلٍ يقول الجسد ما فيه روحيني |
الا انا صرت هذا القول ما اعتده |
لانك بجسمي تصبحني وتمسيني |
روحٍ لروحي تطول وتقصر المده |
واخطيت وابعدت والهوجاس طاويني |
والدمع من موق عيني سال في خده |
كنت احسب انك مثل ما اشريك تشريني |
ما تجرح القلب وانت مراده ووده |
يا حيف وش صار تبعد ما تلاقيني |
وان شفتني بالنظر تنظر لي بحده |
هذا ومنك الخطا ما صرت باغيني |
وانا اللي اقول عذره كيف ما مده |
عز الله ان ما جرى لي منك كافيني |
ارجوك بالله تجي يمي وتحييني |
الحال من عقب طول البعد منهده |
هذا طلب من يحبك لا تخليني |
من عقبك ابواب كل الناس منسده |
او احسن بيدك تذبحني وترميني |
ولا آني اشوف منك الهجر والصده |
جريح الجوف
|
|
|
| |
|
