|
| |
مرثية في الأمير سعد ابن خالد
عبدالرحمن سعد محمد العيد - البرّة
|
بديت بذكر الله عزيز الجلال |
الواحد المعبود بخلقه رحومي |
ورضيت بالأقدار في كل الأحوال |
وما جاء على المعبود مقدر بيومي |
قالوا توفى أميرنا راع الأفعال |
أبوخالد معرّب الجد والخال |
يمشي على الخير مشي القرومي |
ماله طريق على القيل والقال |
للناس في مجلس الأمير مدهال |
يلقون في (عليشة) شيخ عزومي |
والجاه من عنده يقضي اللزومي |
دنياه ما جت على دينار وريال |
ولا همته حياة الرخا والحلومي |
من فقدتك يامير كثرت همومي |
وتبكيك فيافي الأرض في كل جال |
شرق وشام وفوق راس الخشومي |
ويبكي عليك الطير وأنت رحّال |
في مقنصك يازين ذيك العلومي |
نصبر ورب الملا يغير الحال |
وندعي لأبوخالد في كل يومي |
يا الله عسى الجنة خير منزال |
ويجبر عزانا فيك ذربين الأفعال |
خالد ومحمد للطيب فيهم وسومي |
العز ساسهم والفعل والسلومي |
من لابة (المحمد) أصيلين وثقال |
يا الله عسى عزّهم فينا يدومي |
وختامها صلّوا عد ما هل همّال |
|
|
|
| |
|
