|
| |
العيد بالتقوى
|
العيد ما هو بالثياب الجديده |
يا مفصلين اثيابكم في حرا العيد |
العيد بالتقوى وحسن العقيده |
ماهوب موضة لبس ولاّ تقاليد |
ولاّ شرا حاجات ما هي مفيده |
ما من وراها غير دوشة وتعقيد |
واللي يحق اله الفخر يوم عيده |
ويستقبل جموع المهنيين بالعيد |
هو التقي راع الصفات الحميده |
ما يلحقه من شان دينه مناقيد |
صلّى وصام ويطلب الله يزيده |
اجر من المولى صدوق المواعيد |
في كل فرض لخالقه يرفع أيده |
يطلب عفو رب السموات والبيد |
في ساعة منها تشيب المواليد |
وتمت بذكر الله بيوت القصيده |
سبحانه اللي وكد الدين توكيد |
صويلح بن عبيسان الشيباني/ الرياض
|
|
|
| |
|
