الموضوعات الأكثر
كل الديار أرض وسما وسهل ووعر
بس الفخر للي يعلي شانها
مثل الملك عبد العزيزاللي قدر
يجمع شتات ربوعها بأوطانها
ومثل الملك عبد العزيز اللي شهر
سيفه على العدوان في ميدانها
ومثل الملك عبد العزيزاللي جبر
مكسورها واعطى الوفى ديانها
ومثل الملك عبد العزيز اللي عمر
قصور الكرم ومشرّعٍ بيبانها
ومثل الملك عبدالعزيزاللي سهر
ليا رقدت شيبانها ورعانها
ومثل الملك عبدالعزيزاللي حفر
قلبانها وأستوطنت بدوانها
ومثل الملك عبد العزيز اللي ومر
برواتبٍ يسعدبها جيعانها
ومثل الملك عبدالعزيز اللي نشر
شريعة الله حاملٍ قرأنها
ومثل الملك عبدالعزيز اللي صقر
عقبانها لين أرتخت جنحانها
ومثل الملك عبدالعزيز اللي ستر
خودٍ تسوج الكحل فوق اعيانها
ومثل الملك عبدالعزيز اللي صخر
عقولٍ كبارٍ راجحٍ ميزانها
خاض المعارك في المهالك وأنتصر
على جيوشٍ راقصٍ شيطانها
عبدالعزيز اللي على غير البحر
قاد السفينه لسعد ربانها
وأرسى مراسيها على متن الظفر
كل العرب تشهد لها بأمانها
وخلف لها اللي مايهابون الخطر
زحول الرجال مكرمة جيرانها
لنا الفخر فيهم وهم لهم الفخر
بحماية البيتين عن عدوانها
سلة هل العوجا صناديد البشر
سهوم المنايا ليا سمك دخانها
- إبراهيم راشد عبدالله الكويبين