|
| |
ترى القدر مكتوب
|
قصيدة مرثية في المرحوم بإذن الله الشيخ نايف بن عبدالمحسن بن حميد. أمير الفوج الرابع بينبع..
وتقول ساقي سم الأفعى مشى فيه |
وضاق الفضا كله وضاق الوساعي |
والهم قلبي من ضحى السبت ماليه |
لا واهنيك يا لصغير الرضاعي |
ما شفت حالاً واهج الهم طاويه |
يا عبيد قلبي كن يشعاه شاعي |
وكن الوقايد بالحطب تشتعل فيه |
يا ليت من جاب الخبر ما عطانيه |
مرحوم يا نايف طويل الذراعي |
مرحوم يا شيخ بعيده هقاويه |
مرحوم يا شيخ حميد المساعي |
من خلقته ما صد عن وجه ناصيه |
يفهم ويدرك كل دربٍ مشى فيه |
كريم وافي في المواقف شجاعي |
يا كثر فزعاته ويا قل شانيه |
لو الأجل بالمال دونه يباعي |
من دون شيخي لرخص العمر واشريه |
لاقف معه وقفة هجوم ودفاعي |
مير الأجل ما عندنا حيلةٍ فيه |
ترى القدر مكتوب له باليراعي |
في لوحه المفحوظ لازم يلاقيه |
ياالله من مزن ترادم وماعي |
خيِّل خياله والهوى صار قافيه |
ينساق بأمره للديار الرفاعي |
ويمطر على قبرٍ سكن شيخنا فيه |
مفرح هذال العنيضيل
|
|
|
| |
|
