هجينية

امرٍ تشكاه وش نوعه

شكواك ما جت بليا ساس

وشلون علمك وموضوعه

ترى المشاكل بدون اقياس

ولا هيب تحصر بموسوعه

لا تلتفت يا صليب الراس

لو الخطا زادت فروعه

ما يخطي الا عديم احساس

والمرجلة منه منزوعه

مع الردي جنب المجلاس

قبل يعاديك بطبوعه

ورزقك على محصي الأجناس

وسيرة هل الطيب متبوعه

لو ان الارزاق عند الناس

ان كان الارزاق مقطوعه

لا يدخلك من زمانك ياس

ما دام دعواك مشروعه

اثبت على الطيب والنوماس

ويجي لك الوقت من طوعه

لا تضرب اخماس فوق اسداس

وخل الردي يقطف ازروعه

وان كان طاول بك الهوجاس

للعز رايات مرفوعه
أحمد بن سعود الحمد /الزلفي

من أوراق شاعر بالوعي والحس الصادق يرقى مستوى الشع
هجينية لا باس يالمشتكي
ورقة قديمة
ترى القدر مكتوب
قراءة في قصيدة رثائية محسن الهزاني..لمسلط الرعوجي
نبرة شجن

المعقب الإلكتروني