ورقة قديمة

البدو شدوا واعساهم يردون

عساي اشوف ظعونهم مقبلاتي

لو كان هم دايم علينا يهشلون

رجليةٍ زودٍ على الموجفاتي

هذا زمان بالمحارم يخطرون

القاع ممحل واكثر المال ماتي

عاب لهم زاد من الحب مطحون

وقدورنا دب الدهر مركباتي

ذولا مقابيل وذولا يمدون

هجن مسانيد وذي حادراتي

النار تشعم غير ناس يصبون

وسوالف تصدر وهاذيك تاتي

افرح إلى شفت النشاما يحطون

عرف الرجال وشوفهم هو مناتيي

العمر طال او قصر صيور مدفون

والمال كثر او قل غادي شتاتي

يا الله يا منشي هماليل ومزون

تستر على اللي باقي من حياتي

إلى تهيا الستر فالرزق مضمون

وتذكر بخير بحضرها والبداتي

لا بد من لي ساعة به يحفرون

سقايف يدنن ومجهزاتي

يا الله يا مخرج من الحوت ذا النون

ارجي مع الغفران هون المماتي
محمد بن فهيد

طعنات الظنون
خاطرة
نبرة شجن
ورقة قديمة
شموع وقناديل
مع الأحبة..

المعقب الإلكتروني