|
| |
سيد الجود نايف
|
انتقيت الطرايف من بيوت عسيره |
والمطر من سحابه والدرر بالمحاره |
سيد الجود نايف عاد لأرض الجزيره |
يا هلا مرحبا به في بلاده وداره |
ما لطيبه وصايف والوفا له ذخيره |
والكرم والمهابه والعداله شعاره |
ممّنٍ كل خايف للوطن فيه غيره |
بالقسى يعتزى به واثق في قراره |
شال حمل وكلايف بالليال الخطيره |
مثل ليث بغابه بالشرف والجساره |
عبر بيض الصحايف ما تغير مسيره |
طبع حضرة جنابه ثابت في مساره |
عود الشر عايف بين حزم وبصيره |
خاب منهو مشى به حاز ذل وخساره |
ما عليهم حسايف فرقا الإرهاب خيره |
ومن سعى بالحرابه عجل الله دماره |
ومن نوى بالنكايف ما من الحق عيره |
من يعود لصوابه كن ما اشعل شراره |
نايف المجد رايف شيخ الأمن ووزيره |
اجزل الله ثوابه عاش رجل الوزاره |
ابن مروي الرهايف والسيوف الشطيره |
وشرع ربي كتابه قادها بالمهاره |
خلى الأمه ولايف شعب ما به نظيره |
يقتدي بالصحابه للسماحة مناره |
الثقيلة خفايف والطويله قصيره |
والتطور سعى به بين علم وحضاره |
وانتهى كل زايف يوم نادى بشيره |
ما صفى له شرابه لين ذاق المراره |
ولا انقسمنا طوايف دين واحد وديره |
والعوايد تشابه والوطن بازدهاره |
والفعول النظايف للنشامى ذخيره |
في زمان الذيابه يطلعون النماره |
وعد برق الرفايف بالمزون الغزيره |
لا لمع ينسرى به صار ليله نهاره |
وعد ما شاف شايف من نجوم كثيره |
ذكر من يهتدى به مرسل بالبشاره |
النقيب/ باني عبدالله البقمي -الطايف
|
|
|
| |
|
