الموضوعات الأكثر
ياهل التواصل من يبي له وصية
ممزوجةٍ بالمعرفة والسكينة
عليك يا الراعي بـحفظ الرعية
سناب شات اسمه خراب السفينة
سبب خلافاتٍ كثيرة ردية
من الطلاق وغيرها بالمدينة
الشخص كيف اموره الداخلية
للناس ينشرها وفعله يدينه
أحد يتفاخر بالمواتر هدية
واحدٍ بدهن العود يغسل يدينه
وراع المهايط والامور الخفية
لا بد من يومٍ يشوف الغبينة
وجمهورهم مابين هذي وذيّه
تقول برج المملكة مشترينه
اقولها للناس والشمس حية
راعوا مشاعر كل نفسٍ حزينة
اللي توطته الظروف القوية
تراك بالتصويركنك تهينه
من التعفف كن نفسه غنية
وهو مطفّر جعل ربي يعينه
بين رمضان وبين عيد الضحية
كم فرصةٍ راحت علينا ثمينة
هني والله ياعرب واهنيه
اللي كتابه ياخذه في يمنه
نهجه كتاب الله وسنة نبيه
مع التعامل مرضيٍ والدينه
** **
- صالح الناصر