الموضوعات الأكثر
بين صمت القلوب وبين بوح العيون
أنّكسِر في ضميري لين ضاع الكلام
يا نديم الحيارى وش بقى ما يهون
يصغر الحلم فجأة في عيون المقام
كيف ابشرح ظروفي والعرب يشرهون
كل شكوى لغير الله محط انهزام
كم خطف ليلي الساري دموع و ظنون
وكم عطاني حنين الصبح ونة حمام
ادري ان المحبة بين خضر الطعون
مثل طعم العزا من بعد عشرين عام
طال صبري و عيني دمعها لو يمون
ما بكت للظلام و غادرت في ظلام
علمتني وجيه الناس وش يخسرون
و علمتني النوايا كيف أرد السلام
وعلمتني الدروب القافلة وش تكون
لا غدى النور ظلما في عيون الانام
لا تقولون صوت الروح تيه و جنون
و المشاريه جرح و صرخةٍ ما تنام
يحتزم للمواجه قلب صبره ركون
و ينهزم فالنهاية خاسرٍ ما يلام
يوم شفت بعيوني ما يثير الشجون
سامح الله قصيدً شدني للأمام
فتاة تهامة - الإمارات