يأس الهوى قبلك مدوِّي بالأسماع

واعتضت عنه بمقدمك حلم وتغريد

قلبي عصى غيرك ولا يوم له طاع

وش عاد لو هو مبسم وخصرٍ وجيد

ما يملأ عيني إلاَّ إنت في كل الأوضاع

وفرقا سواك اليا زعل عندي العيد

خذها من اللِّي فيك بالحيل ملتاع

كلمة وفاء والله على قولي اشهيد

إنك حبيب الروح والسر ما ذاع

وعهد الوفاء ما هوب ينقص ولا يزيد

محسوم لك يا جامعٍ حلو الأطباع

ويا نادر وصوفٍ ما هي بجملة الغيد

- الشاعر/ محمد بن عبد العزيز السنيدي