باسم الكريم اللي عباده ترجاه

عليه توكلنا لمدّه رجينا

أصخر جزيل القاف ماقبل بعوجاه

ثم أحكره على الهدف يابغينا

أسمع كلام الصدق ماهي مناجاه

فعولٍ على وضح النقايا التقينا

قبل صلاة الصبح جنّه مفاجاه

أرزم رعدهن فوق راس اللعينا

حدب الظهور اللي بها الموت ساجاه

شبت لهبها ولّعت بالعرينا

ياخادم البيتين ياعز من جاه

سلمان سلمان السَّعد يالفطينا

عوجى لمن عاجت عن الحق عوجاه

أسأل عن التاريخ ماضي السنينا

صدّر قراره قال مابه مجاجاه

حنَّا هل التوحيد له محتمينا

حنَّا حماة الجار مزبن وملجاه

يوم العبوس ليازبن وانتخينا

اللي لجى للفيصلي بالوعد جاه

عليه وصف من المعزّي يبينا

شلّه حكيم الراي مابه مراجاه

أسقاه من كاس العنا والغبينا

غير الولي مانقبله وانترجاه

وناطى على روس العدا ليا وطينا

اللي نوانا بشر بالشر نفجاه

ياما صفعته صفعةٍ من أيدينا

هذا كلام الصدق والصّدق منجاه

كلن يشوفه بالعلوم اليقينا

من يمنى أخو نوره له بكف رجّاه

أقفى يجرّ الويل منها حزينا

على الرسول اللي حسينه سجاياه

صلوا على المختار يالسامعينا

- الشاعر/ راضي دبيان الجبوري العنزي