الموضوعات الأكثر
في منتجع نوفا يبين الوليده
في كأس عز الخيل للشعر عنوان
يختار له زايد بيوت القصيده
اللي على (الميدان) مضمونها بان
وسط الجزيرة لا فتحت الجريده
لا هنت (يا عايض) وبلغ من الآن
من يعشقون الخيل جملة مفيده
قل كأس عز الخيل من كف سلطان
في منتجع (نوفا) يبليه وليده
للخيل فرسان وللفوز فرسان
مطلبهم الناموس والرأي سيده
كل يمثّل ديرته لا بدا الشان
وكل على الطالات ينبض وريده
عشرة ميادين تنافس بشجعان
في عشرة الأشواط ثارت وقيده
ويهدي الدورة لا لمحنا بالاعيان
من ضمنها شوطين فكره جديدة
تزيد سوق الخيل في كل الأوطان
والمنتجع استبشر بدعم يفيده
والفوز والله شوف الأمير سلطان
اللي يمينه ما تهل الزهيده
سلطان سلطان الفخر نسل شقران
راعي الجمايل والخصايل حميده
كريم متواضع محنّك وبطران
هذا الأمير اللي فعوله تزيده
يسعى لفعل الخير في كل ميدان
والناس تشهد والمواقف عديده
كم واحد من فلة الجهد بلشان
في ظلمة الأحزان شاف النكيده
دخل على الله ثم علّم كحيلان
ومن وقفته عاش الحياة السعيدة
ما لوم من يدعي له بسر وإعلان
بطول العمر عسى سنينه مديده
من يدعم أهل الخيل والخيل ربحان
وسلطان دعمه ما وجدنا نديده
أكبر من التوصيف معنى وقيفان
وأكبر من أني أحصيه في قصيده
اللي يعز الخيل في هالسنه بان
فوق ميه وعشرين مليون جادت به ايده
ومن حاول يعدد فعايله غلطان
يبطي وهو ما طال قصد يريده
وختامها ياهل الرمك فالكم زان
وفي منتجع نوفا يبين الوليده
واللي يديد الكاس من كف سلطان
يفوز بالناموس والدرب سيده
- شعر/ زايد بن حسن الحبابي القحطاني