الموضوعات الأكثر
أبشري بالعز والله يا يمنّا
يا بلاد المجد يا ركن العروبه
نردع الحوثي بعزمن ما تونّا
والخليجيين للخاين عقوبه
لو طمعك إيران حنّا العز حنا
نحرقه بالماس لين يقول توبه
والخليجيين مزبان المجنا
ونار في وجهِ الطغاويه شبوبه
والله انا بتهديده ما اشتحنا
ندّبه ونذوّقه كوي العطوبه
راجت الاسراب فوقه وارجفنا
وصبت الموت الحمر فوقه صبوبه
غطرفن بالنصر ياللي تنتخنا
اطربنّا والظفر كله طروبه
كل دندونن لا شاف الموت غنّا
بالشجاعة والسطر فينا وهوبه
انتهضنا يوم رد العلم لنّا
ومن تنصّانا نبي نرفع كروبه
ايه حنا الموت يالخصم المونّا
نلتهب بالهيج في وجهك لهوبه
رفعن أعلام الخليج ورفرفنا
وانت كوبه ثم كوبه ثم كوبه
السعودية تحمسك حمس بنا
ولنت كفو ونكبتك نكبة نكوبه
والإمارات رهجوك وموج عنا
جاك منها الموت هدالن نصوبه
والكويت تسوقكم سوقن يغنّا
سوقة النوماس وإهلاكك مثوبه
ومن قطر جات المنايا لك تثنّا
صاعقات وكل ما عندك تذوبه
وقوة البحرين فوقك غيطلنا
غصب عنّك تهابها وهي مهيوبه
المنايا قدم عينك ركزنا
والخليجي مستعد لكل نوبه
وانته احزابك تهاون واينعنا
وكل حزبن قام ينهش في جنوبه
والخليجيين للحمه تمنّا
مير من طول يداه تقر ثوبه
نحرق عيونك بشهبن ولعنا
اعصبتبك في مثانيها عصوبه
العرب جاتك ودن الموت دنا
والهلك صبت علي رأسك هبوبه
وباسم أخو نوره زبنتي يا يمنّا
الملك سلمان مزبان العروبه
غطرفن بالنصر ياللي تنتخنا
والخليجيين للخاين عقوبه
الشاعر - سعود القت