|
| |
جو الربيع
|
جعل السحاب اللي تكاشف بروقه |
لا اتشت مخاييله قنوفه مزابير |
ترزم رعوده والهبايب تسوقه |
حل الوسامي يوم جاله مباكير |
كن الهوى الغربي يخايط فتوقه |
روّح من القبله مزونه محادير |
يضفي على العارض وينساق فوقه |
يمطر وسيله ينتحي للمحايير |
امن الجبل للعرق ينثر حقوقه |
لا نش هل وزاد خيرٍ على خير |
شوف السحاب إلى نشا تالي عصير |
لا من نشا جو البلد عفت سوقه |
شفقٍ على لذات بعض المشاوير |
وقلبي كما طيرٍ يناتل سبوقه |
على المطير يتوق ويتله السير |
شفي بممشىً في نبات المخاضير |
من كل نوعٍ كاسيٍ العثامير |
قام يتشكل فالفياض النواوير |
لا هبه النسناس مايل عنوقه |
بنة شذاه تفوق طيب العطاطير |
راع الولع غاية مرامه وذوقه |
لا داج به ينسى جميع التفاكير |
قفرٍ من النزال يبخص طروقه |
يحن له قلبه حلول المضاهير |
هواه في دنياع ماله هوى غير |
ثم والديه ورفقته للمناعير |
محمد بن محسن بن حشفل الدوسري
|
|
|
| |
|
