خاطرة

وشرحت له يا سعود عن ما جرالي

قلت الزمن يا رجم ذا ما عرفناه

يوم لك ويوم تشوف الهوالي

قال انت جاهل به ترى ذي سواياه

ما كان ضم الكون هو للزوالي

قلت إنصح اللي جاك ضايع بدنياه

معاد يفرق بين مر وحالي

قال الصلاة وصوم والحج محلاه

وصلة الرحم توصل قصير الحبالي

قلت احمد الله طايعه واترجاه

ربي كريم جعل يلطف بحالي

قال انتبه عن درب حذراه حذراه

درب الهواء ما يرث الا الهبالي

قلت آه فات الفوت هاذا مشيناه

والصوت عقب الفوت ما جاب غالي

قال انتهيت وعزتيلك من الآه

تقعد بشمس وصاحبك بالظلالي
عبدالله بن مسعود القريني - بلدة نعام

أنا كذا
بطاقة شكر
صلوا وصوموا
خاطرة
حبال.. وحبال
نبرة شجن

المعقب الإلكتروني