|
| |
ورقة قديمة
نعم الرفيق
|
الله من قلب دبل كبد راعيه |
قام يتدرق مثل شمس المراتي |
ما يرعوي للنصح من دون طاريه |
ليا ما غدا بين الحذا والصفاتي |
ارجع واهون وافتكر في مواضيه |
وليا الحسايف ما ترد الفواتي |
كم واحد يطرف عيونه بياديه |
ويفارق الغالي على ادنى حكاتي |
عزي لمن عمره مضى في تمنيه |
ما همه إلا قول: ويش السواتي؟ |
يا قلب ذا وقت عسى الله يمضيه |
ويا راكب اللي تقل فزة قطاتي |
يلفي على خل ولا نيب كاميه |
صحيبي اللي ينطح الملزماتي |
هو شوق من كن العسل بين اشافيه |
اللي قرونه بالحجب شارعاتي |
فيا راكبه لي جيت لي عند ناصيه |
الليث (أبو صالح) عطيب الرماتي |
تلفي على اللي دايم القلب يطريه |
حيث ان ما غيره رفيق ثباتي |
به اختلط حبل الرجا والمماتي |
فان قال كيف اللي علينا حواليه |
قل له رفيقك ساهر ما يباتي |
ماله من الحيلات كود السكاتي |
فان كان تالي العمر جا مثل ماضيه |
باعنك ما تسوى ريال حياتي! |
ضاري بن فهيد الرشيد
|
|
|
| |
|
