|
| |
غربة الروح
|
تعبت وكل جهدٍ يبذله قلبي ترى يفديك |
وغيرك لو تعب من أجل عيني ماسوا ماطاك |
زرعك الرب ورده وسط خفّاقي وبدا يسقيك |
سقاك الحب من نبع العواطف صافي وارواك |
روتك العاطفة من حبي الخالص لاجل عينيك |
لاجل كلمة أحبك قلتها لي ورنّمتها شفاك |
حبيبي دامني مستقبلك والحاضر وماضيك |
ما دامك شمسي اللي أشرقت من نورها الأفلاك |
فداك الحاقد اللي يزرع أحقاده يبي ينهيك |
لقى نفسه ضحية ما زرع فيها وحصد أشواك |
أنا اللي ما تحملت التعب والهم والتشكيك |
مع الإحباط ودموع الليالي والألم لولاك |
معي شعرٍ يواسي حزني الطاغي كتبته فيك |
رسمت الأمنيات بشوفك وخوفي شبح فرقاك |
أخاف ان المشاكل تتعبك، تجتاحك تنسيك |
حبيبة عمرك اللي باعت الدنيا تريد رضاك |
عليك أخاف نسمات الرياح الباردة تؤذيك |
وانا اللي لو تبي أيام عمري لموتتي تفداك |
حبيبي فوق تصوير (الخيال الشاعري) أغليك |
وأحبك فوق (شطحات الجنون) و(مستوى الإدراك) |
أحبك فوق إدراك (العقول الحالمة) واسريك |
بلياليك البهيجة نجمة تنور سما دنياك |
تصوّر واطلق خيول الخيال وخلّها تودّيك |
إلى أقصى مدى ذيك الخيول توصلك أهواك |
وأخيراً غربة الروح الحزينة إنتهت بيديك |
ولقى قلبي بداخل صدرك الدافي وطن واملاك |
بدر البدور
|
|
|
| |
|
