|
| |
بصمة
بين هجسين
|
ما بقى شي ف.. وجيه الليالي يسلّي |
غير ضحكة رفيق ومعتبرها جماله |
ذاك شهرٍ يزل وذاك شهرٍ يهلي |
لو ضحك لي جنوبه ما بكاني شماله |
كل ما لاح قال بناظري واسفهلي |
قام يرعد على روس المواجع خياله |
بين هجسٍ يغيب وبين هجسٍ يعلي |
صاحب العقل يطغى فوق عقله هباله |
كان ما عقب كل اللي يشوفه فطن لي |
ما انت يا القلب والله لايمه في حلاله |
كيف تدله وتاخذها مزوح وتسلي |
والحزن حاسبك يا القلب حسبة عياله |
كان ما هو قريبٍ ما بعد بُعد ظلي |
وكان ما هو بعالي ما تعدى ظلاله |
والله اني ما أساوم بين عزي وذلي |
يزعل العم وإلا يرضي العم خاله |
يا زمن خل وإلا يا زمن لا تخلي |
غير ضحكة رفيق ومعتبرها جماله |
هلال المطيري
|
|
|
| |
|
