|
| |
بصمة
قبول الشرق
|
لثمني قبول الشرق واقبل شعاع النور |
يزفك ويمحى داجي الحزن أمل ياسي |
بدى من ثناياه البعيده وانا مسحور |
الين انتهى به وانتهت قصة اتعاسي |
ضحك خاطرٍ له مدةٍ خاطره مكسور |
حيت به عروق شلّها ماضي اوجاسي |
هلا بك تناغي فرحةٍ مع نواظر حور |
هلا بك خيوطٍ غازلت ذاكرة ناسي |
هلا بك مصب الهام شاعر ندي شعور |
هلا بك عفافٍ فوق هام الخجل راسي |
هلا بك ربيعٍ عانقه بالسحر منثور |
هلا بك شذى وردٍ برد حرّة انفاسي |
قبل يكتمل عذرك عن اللي مضى معذور |
معك خارج حدود الزمن يصبح احساسي |
حرام السواد يعيش في حضرة البلور |
حرام بحضورك يذكر اسم الجفا القاسي |
على منظرٍ عنوانه الطفل والعصفور |
كساه التجرد روعته والله الكاسي |
تحرر من قيود الكلافه تخط السور |
تجاوز شعورك وارفق بلونك الماسي |
ابي راحتك وألاّ حشا ما عليّ قصور |
تحول العادة بين ذاتي وهوجاسي |
إبراهيم العبداللطيف
|
|
|
| |
|
