|
| |
طيبك على ذولا وذولا.. وذولاك
|
سلمان ياللي جملة الشعب يغليك |
يالطيب اللي تكسب النعم يمناك |
الله يطيل سنين رأسك ويحييك |
كم واحد اليَ كبر حمله تنصاك |
وتشيل حمل اللي من الحمل ناصيك |
عساك تسلم من صواديف دنياك |
يا أمير نجد اللي نعزك ونغليك |
يا عزنا يا فخرنا لا عد مناك |
راعي العدالة والعدالة مباديك |
كم واحد فكيت حقه اليَ جاك |
كم أنفقت يمناك وما اكبر حسانيك |
طيبك على ذولا وذولا وذولاك |
خير على أهل الخير والله يهنيك |
دعوات ناس جربوا فضل حسناك |
عسى السعد والعز دايم يباريك |
والله يجيرك من صواديف دنياك |
يالطيب اللي كايدات معانيك |
ابوك في قمة جبل نجد مرقيك |
حطك براس طويق يا أمير وأرقاك |
يا بعد نظراتك وما ابعد هقاويك |
متعليا المجد ما أحد تعلاك |
يا صعب وقفاتك ولاحدٍ يحاليك |
إلا إخوتك يامير مثلك وشرواك |
سعد بن مشعان بن فهد السهلي
|
|
|
| |
|
