المجاراة تحدث بين الشعراء حيث يقول أحد الشعراء قصيدة في موضوع ما .. وقد تنال إعجاب شاعر أو أكثر يقومون بمجاراتها بنفس الموضوع الذي يتحدث عنه الشاعر الأول .. وعلى نفس الوزن والقافية مع الالتزام بعدد تكرار القوافي وهذا يدل على مقدرة الشاعر الأخير ...الشاعر المعروف (فراج وسيود الكرشمي) قال هذه القصيدة التي تتسم بالنصيحة الهادفة:
يا شبل يا لاهي عن اللي يناديك |
توّك على سجات الافكار توّك |
بدري عليك الله من الخير يعطيك |
ويكفيك بمره سوّ غيرك وسوّك |
يمديك كان ان الله أمهلك يمديك |
لا زلت في فترة صباك ونموّك |
ان كانها ايامك طوال ولياليك |
والله ليلفنك على جال ضوّك |
وايدين من حولك ومشط المشّوك |
أفكار لاعلى الجاذبية توديك |
وافكار تهوى بك حدر من علوّك |
وأفكار منها الله وأنا ابوك ينجيك |
واشياء كثيره تاتغير هقاويك |
توقضك من نومك ولحظة هدوّك |
ما مرني ما هوب أكيد متعديك |
يبلاك في نفسك ويدهاك ويجيك |
لوّك تبي فرقاه وش عاد لوّك |
علمي وحطه واحفظه بين أذانيك |
وخله على بالك ليا شان جوّك |
تذكره قل قاله ابوي في ذيك |
الليله اللي كنت فيها مصوّك |
ولما سمع القصيدة الشاعر الكبير - عبد الله بن نايف بن عون العتيبي، قام بمجاراتها بالأبيات الآتية:
يا شبل وشبك ما تجاوب مناديك |
تكفى متى ما واحيت والدك يدعيك |
لا تسفه اللي يلتفت لك ويرجيك |
ولرضاه واصل مع رواحك غدوك |
يا شبل لو تدري بما قال باريك |
شلته على اعلا ما على من علوك |
يابو شبل يوم ان ربي مقديك |
لا شك اظن اللي بشعره يجاريك |
يلقى تعب حيث ان ما هوب قوك |
انته معك دايم قرين يباريك |
خوي ابن لعبون اظنه مخاويك |
ولا هان مفتاح القفول المصاكيك |
لو ما سهى ما لاح براق نوك |
ولا امطر على راكٍ غصونه مشاويك |
عقب الجفاف اصبح ثراه يتلوك |
ولا اثمر بطيّب نادرات المساويك |
ومن ذاق له عودٍ من الراك روك |
يا كثر ناسٍ منها انا يامحاكيك |
ما منهم اللي ما يقوم يتسوك |
نتمنى لشاعرينا التوفيق والنجاح .. وإلى اللقاء مع مجاراة لشعراء آخرين .. ولك تحياتي.
زهران عون الله المطيري بريدة
| 
