|
| |
يا رب تجعل في يمينه كتابه
|
في رثاء الفقيد الغالي أخي مقيبل عوض المرشدي رحمه الله وأسكنه فسيح جناته إنه سميع مجيب..
سريت مسرى الذيب لا صار جوعان |
ولقيت سوء الموت ما يندرابه |
ويا ناس سو الموت ما منه بريان |
ومن جاه سو الموت ضاع الدواء به |
وحتيش لو كافحت للعبد ديان |
وراضين بالمقسوم في كل الأزمان |
ما جاني من المعبود مرحبابه |
ويا موسى هد العين ترى الصبر له شان |
وأبوك قعد لين يومه غدا به |
ذكرتني يا بوك والصدر مليان |
وأن شفت ما بك زاد قلبي عذابه |
ذكرتني بالعود والقلب وجلان |
وأنا وغيض الصدر صرنا طلابه |
وأخوي كساب المراجل بليهان |
بالصدق والدين وللمراجل جلابه |
أطلب له المعبود في روض وجنان |
عساه مع جمع النبي والصحابه |
يومٍ به للشر والخير ميزان |
وكلٍ حصليه ياجده في كتابه |
يا رب تجعل له من الذنب غفران |
ويا رب تجعل في يمينه كتابه |
وتجعل عليه القبر بالنور مليان |
ومن سلسبيل الجنه عذب شرابه |
يا سايقٍ بأمره ثقيلات الأمزان |
صلاح عوض المرشدي
|
|
|
| |
|
