سلّموا لي على العارض وقصر اليمامه

وبلِّغوا سيَّدي بيتين قلبي كتبها

‏والله انك زعيم ولايقٍ للزعامه

مثل عمك وابوك وجدك اللي كسبها

صقر سلمان يا رمز الشرف والكرامه

وارث العزّ وآل سعود يكفي نسبها

ملككم ما يضيع وفي يدينك زمامه

يا سليل الملوك اللي ورثتم حسبها

من يعاديك عادانا وحنّا خصامه

ومن يحبّك سكن بين العيون وهدبها

أيه احبك صحيح ولا علينا ملامه

نعمةٍ للسعوديين ربّك وهبها

ليت عين الحسود وليت كفّ الندامه

تحترب لين يوصل دمّها لا رُكبها

وليت سود القلوب اللي عليها علامه

يشتعل حقدها فيها ويشعل حطبها

والعدوّ الذي صوّب علينا سهامه

جرعة الموت من حقده علينا شربها

يظهرون الخصام ويطلبون السلامه

زمرةٍ ما عرفنا عجْمها من عربها

والغراب الذي يظهر بثوب الحمامه

لازم انه يبان بكلمةٍ ما حسبها

سيدي كلنا من نجد حتى تهامه

تحت رايتك يا سَعْد القلوب وطربها

يا الزعيم الذي فعله يسابق كلامه

صادق الوعد حلَّال العقود ونشبها

العرب يحترونك مثل سيل الغمامه

تسقي ديار ظاميها وتطفي لهبها

ويرفعون العقال وينطلون العمامه

كلما ناض بارقها وهلت سحبها

** **

- صالح جريبيع الزهراني