يا مرحبا يا حياة الروح يالغالي

نوّرت بقدومكم يا زين دنيانا

ما غيركم يذكر ويطري على بالي

نوّرت بالزين يا مزيون لقيانا

وانت الذهب والغلا والدّر والحالي

وانت السحااب القراح اللي تغشّانا

يا نور صبحٍ بدا عسرات وطوالي

واخفى جمال القمر والبيض لا بانا

وان جات مع واديٍ مع دربها سالي

واظهر نبات الزهر والعشب ريّانا

يا ريح روضِ يعله وبل همّالي

غنّى به الطير بالالحان طربانا

واليا مشى وابتسم للناس قتّالي

كنّه يقول البشر ما همب ويّانا

بنيت لك فالحشا تسعين منزالي

واسقيتها بالغلا من كل بستانا

يا معرّب الجد والعمّان والخالي

على الوفا والغلا والعز مرقانا

** **

- حشر بن عبدالمحسن بن حميد