تدري وش أكثر شيء أنا ما ادانيه

نقل الحكي والثرثره والنميمه

لو كان بالخاطر حكي لا تخلّيه

كاني خَطيت العذر لك والحشيمه

من اغتابك بليَّا سبب وش تسمّيه

ولا صار غالي! كبرها من جريمه

لو يأمر بشيءٍ على طول تعطيه

ولا صار ضايق بك تضيق العزيمه

حنّا ربينا دايم الخير نبديه

ما يحقد إلاّ أهل النفوس اللئيمه

من باع بعنا من شرانا بنشريه

والصدق يكشف كل كاذب ظليمه

من ينقصه تعليم وقته يربّيه

لاصارت اسلوم العرب به عديمه

** **

- تركي بن عبدالعزيز بن أحمد السديري