الرّدي ما اخبلك يا رجلٍ ترزّه

تحشم اللي ما تليق به الحشيمه

لو تبجّل فيه وتحاول ترزّه

لا رفعته شافك أدنى منه قيمه

ولو تحدّه للنواميس وتلزّه

انحدر للهون ماذب الخريمه

ولو تمد الطيب له في كل حزّه

كل ما قفّيت عرّضك الشتيمه

الشهامه والمروّه ما تهزّه

ما معه في منهج العليا غريمه

كان تبغى العز وعلوم المعزّه

لا تقرّب واحدٍ نفسه ذميمه

جنبه وأخذ الدروب المجرهزّه

وعز نفسك عنه يا مال الغنيمه

** **

- خليل بن هدلان