الموضوعات الأكثر
«الجزيرة» - عبدالعزيز بن سعود المتعب:
يجسد الشاعر عبر القصيدة التالية الولاء والوفاء واللحمه الوطنية ووحدة صف أبناء الشعب السعودي تجاه المواقف الكبيرة والإنجازات على كل الأصعدة من لدن سيدي ولي العهد صاحب السمو الملكي الأمير محمد بن سلمان بن عبدالعزيز -أطال الله عمره وأدام عزه-:
للحكم وقفة وللوقفات حكام
وللمجد باقي وللحاضر بطوله
واليوم رفت عمايمنا والاعلام
ونوّخ معزّي على المصمك ذلوله
هذا معزي عسى جابته الأيام
الفعل فعله نعم والزول زوله
لا والله الا حفيده حظنا قام
عادت بطولاته وعادت فعوله
جانا محمد ولد سلمان الإقدام
حي الله المجد من عرضه لطوله
جده معزّي وخاله من ضنا يام
وابوه سلمان والعرب اهتفوله
ايه ابشروا بالسعد والخير قدّام
يقوله محمد وحنا نقوله
ميلاد مجدٍ يعوج رقاب الانام
ومضمار عزٍ ظهر نادر خيوله
واشراق صبحن تذعذع فيه الانسام
يقلط على الليل ويكفكف سدوله
على الوعد والعهد والمشي درهام
كل الصعوبات بالعزم محلوله
ياقبلة المجد يا تحقيق الأحلام
صلفات الامجاد ما جت بالسهوله
يا سيدي رايك اللي زاح الاوهام
اليوم له في الفضا صوله وجوله
تمركزت رؤيتك في المركز الهام
مافيه شيءٍ تقوله ما تطوله
خططت وأسست واستشرفت الأعوام
ورديت الأصل القديم على اوصوله
وحررت الاسلام من تجار الاسلام
اللي خذوا في مباديهم عموله
يا نصره القدس يانصره هل الشام
على كتاب الله وسنة رسوله
سيفك مجرد وعزمك عزم ضرغام
ورائك مسدد ونظراتك شموله
بديت بنيوم يومن غيرك نيام
وروضت موج المحيطات المهوله
وحدت صف الجيوش بسيف الامام
وعدلت راس العروبه عن ميوله
يالفيصلي مايخونك غير الاقزام
اللي يديهم من الفرس معقوله
واللي يجاريك يامحمد من العام
لاهوب لا حولك ولا أنته بحوله
حطمت الأصنام لا حطمت الأرقام
وبنيت دوله ماهي بآيات دوله
** **
- علي بن نايف الغامدي