اقدح يافكر الشاعر اللي ليا قال

ما قال قول الا وعنده دليله

شمس الحقيقه ما تغطى بغربال

والحق دربه ما يجي فيه ميله

والمجد كان انه على شكل رجّال

ماله عن محمد زبون الثقيله

متمثلا به بالفعايل والأعمال

في رؤيةٍ سخّر بها المستحيله

مسيرةٍ فيها الفخر يشرح الحال

قولاً تثبته الفعول المهيله

سيف السعودية وبه تضرب امثال

سيفٍ برز بين السيوف الصقيله

صلب ٍ رحوم ٍ قاسي ٍ قوله أفعال

وشراً على اصحاب النفوس الغليله

حكيم ومحنّك وصارم وبتال

حازم وعازم والنتايج كفيله

غيثٍ على بلاد العرب هل همّال

كلن على قدومه يبشر زميله

يبطي عدوه ما وصل منه مثقال:

ذرّه ولا أدنى منه وإلا حصيله

مثل السحاب اليا نشى يرسم آمال

ولا ضره انباح الكلاب العميله

واثق من الخطوه على الدرب لو طال

رؤس الحرار الصارمه تنحنيله

حامي حمى الدوله عن أحقاد الأنذال

واقف معه شعبه قبيله قبيله

ومن شابه ابوه البطل قاد الابطال

وهذا شبل سلمان فعله دليله

** **

- محمد حلوان الشراري