الموضوعات الأكثر
حب الوطن ماهو تصاوير والوان
ولا هو مسيرة. من وراها مسيره
حبٍ تغلل بين الاضلاع واجفان
وحبٍ نعيشه بين شهق وزفيره
حبٍ تورثناه في مر الازمان
يوم الموحّد ضمها للجزيره
قامت على الملة وتثبيت الاركان
والشرع في سنة رسوله شعيره
وحّد اخو نوره سلايل اكحيلان
شعاره التوحيد سيفه شطيره
وساروا على نهجه ملوكٍ لهم شان
أمن وأمان وعيشةٍ مستنيره
واليوم في ظل الحزم عاش سلمان
رأيٍ سديد وكلنا نستشيره
اللي انتهض للحق حرٍ وشيهان
قايد يقود المملكة في بصيره
وشبلٍ على المنهج قراها بالاوزان
حدد لنا الرؤية وسهل عسيره
ياديرتي نفخر بك اعوام وازمان
وعيدك على شعوبٍ تناثر عبيره
في حنكة ملوكٍ قضت كل عدوان
وصار المثل يضرب بها للشهيره
وتلاحمت يدٍ مع الشعب برهان
ونامت عيونه بالمعزه قريره
يدٍ على زند العدو فاع دخان
ويدٍ بها البيرق يرفرف هديره
ودون الوطن حنا شبابٍ وشيبان
ارواحنا لدم الوطن هي ذخيره
وهذي تبوك بفهدها شبل سلطان
نهضة بها كل التطور نظيره
يوم البست في مجدها كل فستان
اورودها فاحت وخيره كثيره
تيماء بها هداج يا شيخ قلبان
والجود من حاتم لهلها مثيره
وهذي حقل بها على البحر شطآن
تجود من خيره وتسبق غديره
وهذي ضباء في بحرها در واثمان
عروسةٍ تزها البحر مستثيره
والوجه في حسنه تلألأ ببرهان
رؤية وطن في جزره المستديره
واملج لها في ديرة العز عنوان
مستقبل الساحل وعز المسيره
ياديرةٍ سادت لنا المجد شجعان
دمتي عزيزة دام عزك شعيره
** **
دكتور عبدالعزيز بن سليم الحماد - عضو هيئة التدريس بجامعة فهد بن سلطان