«الجزيرة» - عبدالعزيز بن سعود المتعب:

الولاء، والوفاء ، واللحمة الوطنية، يجسد كل منها القصيدة التالية التي خص بها الشاعر الكبير عبد الله بن نايف بن عون صحيفة الجزيرة في مقام سيدي خادم الحرمين الشريفين الملك سلمان بن عبد العزيز -أطال الله عمره وأدام عزه-:

مع دخول الوسم ومخايلة نشو السحاب

السحاب اللي عطاش الديار يبلّها

باشرتنا فرحةٍ تجعل الشايب شباب

فرحةٍ عمّت على مملكتنا كلّها

يوم سلمان الحزم عاد من عقب الغياب

للديار اللي تعزّه وهو فخرٍ لها

الديار اللي لحكّامها يحسب حساب

شجرةٍ كل العرب تستظل بظلّها

احمد اللي دل حكامها درب الصواب

واحمد اللي حط سلمان زيزومٍ لها

يصعد العليا ويطلع مطاليع العقاب

وكل مشكلةٍ تهم العرب يفطن لها

يوم دعوة روسيا وجّهت له واستجاب

دعوةٍ باشر لتوجيبها في حلّها

دعوةٍ فيها العوارف يحلون الصعاب

كيف ماتثمر وسلمان محتزمٍ لها

في مراحه ينفتح للفرج تسعين باب

وفي مجيّه يكسي المملكة عزٍّ لها

ولو تعبت ولو تكلّفت يانزه الجناب

المواقف ما لها الا انت وانت اهلٍ لها

وانت ميزانٍ يعزل الصلاح من الخراب

وكل مشكلةٍ عليك يتوقّف حلّها

** **

- عبد الله بن نايف بن عون