في وسط نجد اتبع هوا كل نسناس

واطرب لشوف طيورها وتغريده

اعشق ليالي نجد لو انها ادماس

وايامها عندي جنان سعيدة

شمى لعشب رياضها يقعد الراس

ومافات من ساعات عمري بعيدة

شوف الزهر يبعد عنا كل هوجاس

ويريح عن قلب الشقا ما يكيده

- محمد الأحمد السديري

ياعل عدٍ نزل خلي على بيره

يسقيه من مدلهم النو هتافي

ياخذ له أيام سايلةٍ عثاميره

واللي يشوف المحاجر نقعها صافي

لين ان عقب الحيا تنعم نواويره

يصير مشتا ومرباعٍ ومصيافي

- مرشد البذال

ساعةٍ في جو خالي من ايام العياد

والفياض يعط ريح النفل بحروفها

والدلال مساطرة خاثرٍ فيها القناد

والقصص والسامرية تشيل صفوفها

- خلف بن هذال