الموضوعات الأكثر
اذكر الله فالبدايه قبل ما أبدأ في كلامي
الإله الواحد المعبود رب العالمينا
وبعدها يا خادم البيتين لك مني سلامي
عن جميع الشعب واللي في وطنا ساكنينا
يا ملكنا يالزعيم الفيصلي يابن الامامي
الامام اللي حكم بالشرع والسيف السنينا
واستتب الامن فيها وانجلى عنها الظلامي
وزال عنها الجهل والظلم من ماض السنينا
وأصبحت دوله لها تقديرها والاحترامي
مملكتنا منبع الاسلام ملجأ الخايفينا
وانت سلمان العداله والصرامة والنظامي
وانت عز الدين والدوله وعز المسلمينا
كل شعبك صف واحد معك ما فيه انقسامي
كلهم رهن الاشاره حاضرين وجاهزينا
وكل مسلم يفتخر بك وانت للمسلم حزامي
والشعوب المسلمة وملوكها لك مؤيدينا
قص رؤوس اهل الفتن واقطع ايدين الحرامي
ومش شرع الله على الغدار لوهو من حدينا
قالوا إن الطق كثره سيدي فك اللحامي
ومن تهاون في حقوقه فرصةٍ للطامعينا
والخشوم اللي علينا صايرن فيها عرامي
عادتك لطم الخشوم وكل قاسي لك يلينا
من جنوب الحرب والفتنه ترى شرقٍ وشامي
استعن يابو فهد بالله والله العوينا
الوطن دونه رجالٍ لا تهاب ولا تنامي
دون حده مرخصين ارواحهم ومرابطينا
ونحمد الله جاهزيتهم تمامٍ بالتمامي
حسب توجيه القياده والامر لمحمدينا
محمد النايف ولي العهد والرجل العصامي
ضد للارهاب والدوله لها درعٍ حصينا
يشتغل في صمت هو رجل المهمات الجسامي
ما نوفي له حقوقه ان قصدنا وان حكينا
وابنك محمد وزير الجيش والحر القطامي
فيه من صقر الجزيره حاجتين وحاجتينا
الزعامه والسياسه والذكاء والاهتمامي
والشجاعه والفراسه جامعٍ دنيا ودينا
بالفعول الطيبه عدَّى على راس السنامي
عزك الله يا محمد يا كعام العايلينا
يالله اني طالبك وارجيك يا محيي العظامي
تنصر الاسلام واللي قام به نصراً مبينا
والسلام ختامها صلوا على خير الانامي
الرسول المصطفى المحبوب سيد المرسلينا
- عبيد بن فالح أبو جراح أبو ثنين