يا شين حكي اسمعه ما فيه طاريك

لا شك اداري ضيقتي عند الأحباب

وان طالت الجلسه وما احدٍ حكا فيك

تروح لك كل المشاعر بلا حساب

واعيد اذكّرهم بسالف لياليك

قصدي اجيب لسيرتك عندي اسباب

وان كان أحدٍ خصني بهرجةٍ فيك

فزّيت مثل اللِّي من الذنب مرتاب

ما احدٍ درى عن نفسي اللِّي تخفِّيك

اخاف من كلمة مثل: ليه الأسباب

ما عاد يسعدني أبد غير طاريك

ولا عاد غيرك صار للقلب جذَّاب

اضحك على دمعي على شان اداريك

اخشى دموعي تكتشفني للأصحاب

يا زينها عزله تجيبك.. وانا اجيك

ولا اجتماعٍ يجتمع فيه الأحباب

- تذكار الخثلان