البارحة مرني طيفك وحياني
في الحلم وأجلى المواجع عن مواطنها
البارحة بحت لك عن قرب باشجاني
وجروحي استقبلت لطفك وسكنها
من لحظ عينك طفت نيران حرماني
والبسمة أحيت عروقٍ يائسٍ منها
والهمس حد الشفايف تمطر اركاني
وتورد العشق في ساحة مفاتنها
شفتك على خبري وزينك تغشاني
ورحت آتلمس كفوفك وآتحضنها
انا على العهد دورني وتلقاني
ماغيرت شوقي الدنيا ولا سننها
مقيم بي ما تساهل فيك وجداني
تامر على الروح يا محبوبي وتنهى
ابيك تبدي الوصل من دافع إنساني
وتخلص الروح من حسرات تدفنها
مادام ما بي وما بك بايد وفاني
والموت للناس كافرها ومومنها
روحي ضحية لروحك باول وثاني
تبي التقاضي بوصلك كانه امكنها
- حازم الجبرين