ما دام تدري بحالي ليه ما جيت
شلون قلبك بها الليلة نساني
البارحة فيك أفكر لين مليت
معقولة الشوق ما جابك عشاني
الشوق غنى علشانك وغنيت
خذلني الوقت والموقف بكاني
قتلت الاحلام فيني ويش خليت
جيت ارسمك حب لكن ما مداني
لو عندك احساس مثلي كان حسيت
ما كان ماتت من ايديك الاماني
حبيت من كل قلبي وانت حبيت
غيري واخذك الهوى مع شخص ثاني
وش ذنبي ان كان مع حبك تربيت
اليوم حزني من غيابك ملاني
معاي في كل لحظة وان تناسيت
رحلت والحب في دربك لقاني
كثير في حق من حبك تماديت
ما يوم صوتك عن الخاطر دعاني
حاولت اداري جروح القلب وازريت
صدقني الحين ما ادري وش بلاني
عشرين مرة اغني واكسر البيت
ماكني اللي رفع فيك المعاني
ما تدري الحب وش سوى وسويت
عطيته الروح لكنه نساني
- محمد البطحي