مديت كفي للسما ناموا على كفي غمام

بين الغمام ونومته تصحى أمور تغمني

ياليت كفي لالمس صدري وجع يلقى سلام

ليت السلام الي سكن طفل السحاب يعمّني

ماكنت ادور عن فكر لازمة سكن قلب وزحام

لاكنت افتش في زحم صدري عن اشيا تهمّني

البارحة سجيت في ماضٍ متوهني ظلام

يممت وجهي للدروب الّي سنين تخمّني

من قبل لابدا رحلتي حتى أجنبني ملام

قلت الرفيق اللي لزمك العمر يَمّه يمّني

ميلت له ناديت له والجوف قد ساده عتام

ياصاحبي شلتك زمن واليوم لزم تزمّني

روّح على نفس الدروب الّي سلكناها يتام

واسمع صدى وعدك وضحكات الثقة واتطمّني

عد الوعر وآنا على كتفك وقلبك في هيام

لوّ اتْعَثر قد قلت لي لمّا آعَثَر لي أمّني

واذا خُطاك اتهالكت وانفاسك تودع حطام

كفن طموحك لاجل أئمك مثْل يوم تئمّني

يآحلم من غربة شعور افنيت لك عمري هُدام

سمك وآنا طاغ الحضوراليوم صعب يسمّني

أسرجت للمقبل نظر عمرت لشفاي ابتسام

طيرت للعالم سلام ايعود لي ويلمّني

يممت وجهي للسما أسقتني الغيمة مُدام

شفني على كف القمر يضمني ويشمّني

مديت كفي للسما رفرف على كفي حمام

بين الهديل ورفّته يمة دعاك يضمني

- الاسمى