هنيّكم بقلوبكم مستريحه
وياليت قلبي كل ما جاه ينساه
ينسى هواجيس الضمير المشيحه
ويرضى على غوَّال حلقه إلى أرخاه
محدي الهبداني
إن جت بك الدنيا وجابك صدفها
لا تعتنز باهل النفوس الضعيفه
وانصحك نفسك لا تسقّط شرفها
ترى بعض بيض المجالس مجيفه
بندر بن سرور
يابوذعار اكفيك لوني لحالي
واصبر على الدنيا وباقي تعبها
وان غم اخوه معثِّرين العيالي
أنا لخويه سعد عينه عجبها
الفديع بن هدلان
خطو الولد توّه على شبّةٍ له
جميع هومات المراجل براسه
يقوم بالمعروف دقّه وجلّه
والله مهيٍ له على قو باسه
- عبدالله بن سبيل