لا من مزن الوسم قام يتحدّر
بشّر هل البل والصقاقير بالخير
لا كمل حساب سهيل والوسم بدّر
طاب لهل البل كيفهم والصقاقير
لا جا الشمال من أول الوسم ندّر
تزين فالجو الخلا نقلة الطير
فرخٍ دقوقه مثل دق المجدّر
جثلٍ كراعه دوب يلبقبه السير
لا شافه المخلي مزاجه تكدّر
لا اوحا وحيفه كنه وحيف معصير
اليا ارتفع وارها عليه وتحدّر
ضيّق به افجوج الفضا والمعابير
يجيه لا ناشه قضاه المقدّر
ويطيح طيحة طيّتٍ من شفا بير
ويطيب كيف البد وأهل حلوة الدر
لا كبر بعد الولي نبت العثامير
اناسةٍ بأغلى ثمن ما تقدّر
خصن ليا جاء الذود ربعٍ مسايير
ثم عطف اللي للمتالي تصدَّر
وضح مصورت من الزين تصوير
يقوله اللِّي ورد ذوده وصدر
ولا قاف الميراد غير المصادير
- غازي بن عون