لاقامت الهيجا وصارت مثل زلزال الرعود

سلمان سلمان السعد نصره لمن جاه ونخاه

يا أبوفهد اضرب على الكايد وحنا لك جنود

حنا كعام المعتدي حنا حمى الجار وذراه

يا سعد من ينخى ولد عبدالعزيز بن سعود

سلمان عزم وحزم ربي سلطه على الطغاة

ومقرن ولي العهد له ميقاف والأمة شهود

ولي عهد المملكة ياطا على ارقاب العصاة

وولي ولي العهد تاقف له جماهير وحشود

محمد النايف عريب الجد مايقرب حماه

ومحمد ولد سلمان عن جاره وعن داره يذود

وزير لدفاع الوطن تخشاه في الموقف عداه

يا الحوثي ارجع عن عنادك ما أنت قادر للفهود

وحرب الصقور الطايرة ما هي سوالف في قناه

وخاين بلاده يشعل الفتنة ولايرقا سنود

قولوا له أنه مثل منثورٍ سلاحه في خباه

من بعد شاف الفعل قامت تلطم يداه الخدود

يا غادر بلادك عليك الحرب دايرةٍ رحاه

اليوم تدعو للحوار.. وانته على الأمر محدود

الغدر واضح في عيونك ما يحصل شيٍ تباه

والله لترجع غصب من فعل النمارة والأسود

الثعلب اللي مثلك يضيع طريقه مالقاه

وتبقى بلدنا شامخة في ظل وافين العهود

ودايم علمها مرتفع سيفين والنخلة علاه

عبدالمطلوب مبارك البدراني - وادي الفرع